ထေရဝါဒ သာသနာ

ယနေ့ ကမ္ဘာတွင် ဗုဒ္ဓဘာသာဆိုင်ရာ အဓိက ဂိုဏ်း နှစ် ဂိုဏ်း ရှိသည်။ ၎င်းတို့မှာ ထေရ၀ါဒ နှင့် မဟာယန ဟူ၍ဖြစ်သည်။ ရှေးလွန်လေပြီးသော အချိန်၌ အခြားသော ဂိုဏ်းများလဲ အများအပြား ရှိခဲ့ကြသည်။ သို့သော် ထိုဂိုဏ်းနှစ်ဂိုဏ်းသည်သာလျှင် အိန္ဒိယနိုင်ငံ ပြင်ပရှိ အဆက်အနွယ်များထိအောင် လက်ဆင့်ကမ်း ပျံ့နှံ့ခြင်းဖြင့် ယနေ့ခေတ်ကာလထိအောင် ရှင်သန်လာပေသည်။

ထေရ၀ါဒသည် ပင်မအားဖြင့် အိန္ဒိယ တောင်ပိုင်းနှင့် အရှေ့ပိုင်း၊ သီရီလင်္ကာ၊ မြန်မာ၊ ထိုင်း၊ ကမ္ဘောဒီးယားနှင့် လာအိုတို့တွင် ရှင်သန်ခဲ့၏။
မဟာယနသည် အဓိကအားဖြင့် အိန္ဒိယမြောက်ပိုင်း၊ တရုတ်၊ တိဘက်၊ ဂျပန်၊ မွန်ဂိုလိယ၊ ကိုရီးယား နှင့် ဗီယက်နမ် နိုင်ငံများတွင် ပျံ့နှံ့ခြင်းဖြင့် ရှင်သန်ခဲ့သည်။
ထိုအကြောင်းကြောင့်ပင် မဟာယနကို ရံဖန်ရံခါ မြောက်ပိုင်းဂိုဏ်း ဟု ညွှန်းဆိုကြပြီး ထေရ၀ါဒကို တောင်ပိုင်း ဂိုဏ်း ဟု ညွှန်းဆိုတတ်ကြပါသည်။

ထိုဂိုဏ်းနှစ်ခုတွင် သိသာထင်ရှားသော ကွဲလွဲချက်များ ရှိသော်လည်း.. သစ္စာလေးပါး၊ မဂ္ဂင်ရှစ်ပါး၊ ကမ္မ၀ါဒ၊ ပဋိစ္စသမုပါဒ အစရှိသော အခြေခံ တရားများမှာမူ ဂိုဏ်းနှစ်ခုစလုံးတွင် ထပ်တူ တူညီကြသည့် အချက်ကိုမူ အလေးထားမှတ်ယူ သင့်သည်မှာ အရေးပါပေသည်။ ဂိုဏ်းနှစ်ခု၏ အဓိက မတူညီမှုမှာ မတူညီသော ဦးစားပေးမှုများနှင့် သမိုင်းဆိုင်ရာ ဖြစ်ထွန်းမှုများ ဖြစ်ပေသည်။ ဗုဒ္ဓမြတ်စွာ၏ အဆုံးအမကို လိုက်နာခြင်းဖြင့် လွတ်မြောက် ငြိမ်းအေးခြငး နိဗ္ဗာန တရားမြတ်ကို မျက်မှောက်ပြုရေး .. နောက်ဆုံး အန္တိမပန်းတိုင်ကား အတူတူပင် ဖြစ်သည်။ ထေရ၀ါဒ ဟုသော အသုံးအနှုံးသည် သက်ကြီးဝါကြီးပုဂ္ဂိုလ်များ (ထေရ) လျှောက်သောလမ်း ဟု သဒ္ဒါအလိုအရ အဓိပ္ပာယ် ရပေသည်။

ထေရ၀ါဒ ဂိုဏ်းသည် ဗုဒ္ဓ၏ အဆုံးအမများကို မူလအတိုင်း မှတ်တမ်းတင် ထိန်းသိမ်းထားသော ပါဠိ တိပိဋက (ပိဋကတ် သုံးပုံ)အတိုင်း အစဉ်တစိုက် လက်ခံပါသည်။ ထေရ၀ါဒဂိုဏ်း၏ အလေးထားမှုမှာ ဗုဒ္ဓ၏ အဆုံးအမများကို စစ်မှန်သော မူလ အခြေအနေအတိုင်း ထိန်းသိမ်းခြင်း နှင့် အနာဂါတ် မျိုးဆက်အဆက်က် လက်ဆင့်ကမ်းခြင်း ဖြစ်ပါသည်။ ဗုဒ္ဓ၏ အဆုံးအမများ ဆိုရာတွင် လူပုဂ္ဂိုလ်များအား လွတ်မြောက်ရာကို မည်သို့ ရှာဖွေရမည်ကို ညွှန်ပြနိုင်စွမ်း အပြည့်အ၀ ရှိသော လွတ်မြောက်ရေး အဆုံးအမ လမ်းညွှန်မှုများ ဟု ယူဆရပေမည်။ ထိုအကြောင်းကြောင့် ပင် အဆုံးအမများ၏ စွမ်းရည်ပြည့်ဝ ထိရောက်မှုကို ခေတ်အဆက်ဆက် အမြင့်ဆုံး ရှိမြဲ ရှိနေစေရန် အလို့ငှာ ဗုဒ္ဓ၏ အဆုံးအမများကို မူလအတိုင်း ကြိုးကြိုးပမ်းပမ်း ထိန်းသိမ်းထားကြခြင်း ဖြစ်သည်။ အဆုံးအမများကို မူလပုံစံမှ ပြင်ဆင်လိုက်လျှင် သို့မဟုတ် တစ်နည်းနည်း ပြောင်းလဲလိုက်လျှင် ထိရောက်မှုသည် အချိန်နှင့်အမျှ လျော့ပါးသွားဖွယ် ရှိပေသည်။

ထေရ၀ါဒ ထုံးထမ်းအရ ပါဠိတိပိဋက၌ မပါရှိပဲ သတ်သတ် ထိန်းသိမ်းထားသော သို့မဟုတ် ဟောကြားခဲ့သော ဗုဒ္ဓ၏ အဆုံးအမများ ရှိသည် (ဆိုလိုသည်မှာ တိပိဋိကတွင် မှတ်တမ်း တင်ခဲ့ခြင်း မရှိပဲ တစ်စုံတရာသော ပုဂ္ဂိုလ်ကို ဟောကြားခဲ့သော နက်နဲသည့် တရားတော် ) ဟူသော ခံယူချက်ကိုလည်း ပစ်ပယ်ပါသည်။ ထို့ကြောင့် ပင်လျှင် ဗုဒ္ဓပရိနိဗ္ဗာန် ပြုတော်မူပြီးနောက် နှစ်ပေါင်း ၅၀၀ ခန့် ကြာမှ စတင် ပေါ်ထွန်းလာသော် မဟာယန သုတ္တန်များကို ထေရ၀ါဒက စစ်မှန်သည်ဟု လက်မခံကြပါ။ ဗုဒ္ဓအဆုံးအမများကို အဓိက ထိန်းသိမ်းနေသူများမှာ သံဃာ ဟု ခြုံငုံခေါ်ဝေါ်သော ရဟန်းတော်များပင် ဖြစ်ပါသည်။ ထေရ၀ါဒ သံဃာတို့သည် ဗုဒ္ဓက သတ်မှတ်တော်မူခဲ့သော၊ ၀ိနယပိဋကတွင် မှတ်တမ်းတင်ထားသည့် ရဟန်းဆိုင်ရာ ကျင့်ဝတ်တို့ကို အစဉ်တစိုက် လိုက်နာ ကျင့်သုံးကြသည်။ ထို ရဟန်းဆိုင်ရာ ကျင့်ဝတ်များသည် ဗုဒ္ဓ၏အဆုံးအမများကို ကောင်းစွာတည်တံ့စေရေးအတွက် မရှိမဖြစ် ဖြစ်သည်ဟု ထေရ၀ါဒ သံဃာများက လက်ခံကြသည်။

ပုဂံပြည်မတိုင်ခင်က မြန်မာနိုင်ငံ နှင့် ထေရဝါဒ သာသနာ

ရှေးနှစ်ပေါင်းငါးထောင်လောက်က အင်ဒိုအာရိယန်လူမျိုးများ ဂင်္ဂါ ၊ အိန္ဒိယနိုင်ငံ အိန္ဒူ မြစ်ဝှမ်းများ သို့ မ၀င်ရောက်မပြန့် နှံ့မှီ နှင့် မောင်းဂွတ်အနွယ်ဝင်များ အာရှတိုက် အရှေ့ ပိုင်း ၊ အရှေ့ တောင်ပိုင်း များသို့ မ၀င်ရောက်မပြန့် နှံ့ သေးမှီကပင် မြန်မာနိုင်ငံတွင် ကျောက်လက်နက်များ အသုံးပြုခဲ့သည့် ရှေးဟောင်းလူမျိုးများ နေထိုင်ခဲ့ကြ‌သော အထောက်အထားများတွေ့ ရှိခဲ့ရသည်။

အထက်မြန်မာနိုင်ငံ ဒေသများနှင့်ပဲခူးခရိုင် ၊ မြင်းခြံ ၊ ပခုတ္ကူ ၊ သရက် ၊ မကွေးခရိုင်နှင့်ရခိုင် တနင်္သာရီ ကမ်းရိုးဒေသများတွင် အနှံ့ အပြား ရှာဖွေတူးဖေါ်ရရှိခဲ့သည်၊

ကျောက်ခေတ်လူမျိုးများ နောက်ပိုင်း ၊ အာရှတိုက်အရှေ့ တောင်ပိုင်း သို့ ဝင်ရောက်လာကြသည့် အင်ဒိုနီးရှင်းများသည် မြန်မာနိုင်ငံ တောင်ဘက်ကမ်းရိုးတန်းတွင် နှစ်အတန်ကြာနေထိုင် သွားကြသည်ဟု ယူဆ ရသည်။

မြန်မာနိုင်ငံပင်လယ်ကမ်းရိုးတန်းတ၀ိုက်တွင် နှစ်ပေါင်းနှစ်ထောင်ကျော်က နေထိုင်သွားခဲ့ကြသည့် အင်ဒို နီးရှင်းများအား ရှေးခေတ် ပထ၀ီပညာရှင်ကြီး တိုလေမီက လူသားစား အရိုင်းအစိုင်းများ ဟုဖေါ်ပြခဲ့သည်။ မြိတ်ကျွန်းစုတ၀ိုက်ရှိ ဆလုံလူမျိုးများသည် အင်ဒိုနီးရှင်း အကြွင်းအကျန်များဟု သမိုင်းပညာရှင်များက ယူဆကြသည်။

သည်နောက်ပိုင်း အင်ဒိုအာရိယန်လူမျိုးများသည် အိန္ဒိယပြည်သို့ ၄င်း၊ မောင်းဂွတ်အနွယ်ဝင်များသည် အာရှတိုက်အရှေ့ ပိုင်း ၊ တောင်ပိုင်းများသို့ ဝင်ရောက်လာကြသည်။

ယင်းလူမျိုးကြီးနှစ်မျိုးသည် အာရှတိုက်သို့ ဝင်ရောက်လာကြပြီုးတွေ့  ဆုံခဲ့ကြသည် ကို အာရှတိုက်ဆိုင်ရာ သမိုင်းပညာရှင်များက လွန်ခဲ့သည့်နှစ်ပေါင်း နှစ်ထောင်ငါးရာနှင့် သုံးထောင်ခန့် အကြားဟု ခန့် မှန်းကြသည်။

မောင်းဂွတ်အနွယ်များအား အိန္ဒိယပြည်တွင် အင်ဒိုအာရိယန်များက ဖိသဖြင့်အရှေ့ တိဗက်နှင့်အနောက် တိဗက်ဟူ၍ အုပ်စုနှစ်စုကွဲသွားသည်။ အရှေ တိဗက်အုပ်စုက တရုတ်ပြည်ယူနန်နယ်ဘက်သို့ ဝင်ရောက်သွားပြီး အနောက်တိဗက်အုပ်စုက အိန္ဒိယပြည်တွင်းသို့ ဝင်ရောက်သွားသည်။ အနောက်တိဗက်အုပ်စုကို အင်ဒိုအာရိယန်များက ဖိသဖြင့် မဏိပူရ ၊ အာသံနယ်များမှတဆင့် မြန်မာနိုင်ငံတွင်းသို့ ဝင်ရောက်လာကြသည်။

တရုတ်ပြည်ယူနန်နယ်ဘက်သို့ ဝင်ရောက်သွားကြသည့်အရှေ့ တိဗက်အုပ်စုသည် “တရုတ်ကဖိ ရှမ်းကအိ” သဖြင့် မြန်မာနိုင်ငံတွင်းသို့ အစုစု ကွဲပြီးဝင်ရောက်လာကြပြန်သည်။

သို့ ရာတွင် မောင်းဂွတ်အနွယ်ဝင် မွန်ခမာလူမျိုးစုများသည်အင်ဒိုချိုင်းနားကျွန်းဆွယ်ဒေသများ သို့ သမိုင်း၏ ခပ်စောစော အချိန်ပိုင်းလောက်ကပင် ၀င်ရောက်နေ ကြပြီဖြစ်သည်။

လွန်ခဲ့သည့်နှစ်ပေါင်း၂၀၀၀နှင့် ၂၅၀၀ ကြားတွင် တရုတ်ပြည်ချင်မင်းဆက်ဘုရင်များသည် ယခင်က လူမျိုးစု အလိုက် အကွဲကွဲအပြားပြား ပေါ်ပေါက်လျက်ရှိသည့် ပြည်နယ်များအား တရုတ်ပြည်ကြီးတပြည် ဖြစ်လာရန် စည်းလုံးနိုင်ခဲ့ကြသည်။

ထို့ အတူ အိန္ဒိယပြည် ( တောင်ပိုင်းမှလွဲ၍ ) စန္ဒဂုတ်မင်းဆက်ဘုရင်များသည် လူမျိုးစုအလိုက် အကွဲကွဲ အပြားပြား ဖြစ်နေပေါ်နေကြသည့် ၊ မာဂဓ ၊ ၀ိဒေဟ ၊ ကောသလ ၊ ပဉ္စလာစသည့် ပြည်နယ်များကို သိမ်း သွင်းပြီး အိန္ဒိယပြည်ကြီးကို စည်းလုံးနိုင်ခဲ့သည်၊ ထိုသမိုင်းများသည် အထောက်အထားခိုင်လုံသည့် အိန္ဒိယနှင့်တရုတ်ပြည် တို့ ၏သမိုင်းဝင်အဖြစ် အပျက် များဖြစ်သည်။