သူတော်စင်တို့ ..မင်္ဂလာပါ..မြတ်စေတနာမှ လှိုက်လှဲစွာကြိုဆိုပါတယ်။

Wednesday 11 January 2012

ကလေးတွေ ဘယ်အရွယ်မှာ ငွေအကြောင်း ဘယ်လောက် သိထားသင့်လဲ

သမ္မတအိုဘားမားရဲ့ ညွန်ကြားချက်အရ သူရဲ့ ငွေကြေးနဲ့ ဘဏ္ဍာရေး ထိပ်တန်းအကြံပေးအဖွဲ့က ကလေးတွေ ဘယ်အသက်အရွယ်မှာ ငွေနဲ့ပတ်သက်ပြီး ဘယ်လောာက် သိထားသင့်တယ်၊ ဘယ်အရွယ်မှာ ငွေကို ဘယ်လို စသုံးသင့်တယ် ဆိုတာကို ၁၈ လကြာ သုတေသန လုပ်ခဲ့ကြပါတယ်။

အဓိကရည်ရွယ်ချက်ကတော့ ငွေကြောင့် မကောင်းတဲ့ အကျင့်စရိုက်ဆိုးတွေ မဖြစ်အောင် ငယ်စဉ်ကတည်းက တားမြစ်ဖို့၊ ကမ္ဘာ့ငွေကြေးနှုန်းတွေနဲ့ လည်ပတ်ပုံကို တစ်ဦးချင်း သိရှိစေဖို့၊ နေ့စဉ် သွားတိုက်ရသလိုမျိုး နေ့စဉ် ငွေစုဆောင်းတတ်အောင် ကလေးတွေကို သင်ကြားပေးဖို့ ဖြစ်ပါတယ်။ အမေရိကန် စီးပွားရေး နာလည်ထဖို့နဲ့ ဗုန်းပေါလအော သုံးတတ်တဲ့ လူ့အဖွဲ့အစည်းရဲ့ အကျင့်ကို ဖျောက်ဖို့ သမ္မတက ရည်ရွယ်ခြင်း ဖြစ်ပါတယ်။

အမေရိကန် ကလေးများ ငွေကြေး နားလည်ရေး သုတေသနလုပ်ငန်းအဖွဲ့မှာ သမ္မတရဲ့ စီးပွားရေး အကြံပေးအဖွဲ့ ဥက္ကဌ Alan Krueger နဲ့ အမျိုးသားစီးပွားရေး ကောင်စီ ဒါရိုက်တာ Gene Sperling တို့ ဦးဆောင် ပါဝင်ပါတယ်။ ၁၈ လတာ သုတေသနရလဒ်ကို အတည်ပြုပြီးရင် အိမ်ဖြူတော်က ကျောင်းတွေ၊ ပညာရေးသမားတွေကို တင်ပြဆွေးနွေးမှာ ဖြစ်ပါတယ်။
သုတေသနရလဒ် အချို့ကို အောက်မှာ ဖော်ပြထားပါတယ်။



အသက် ၃ နှစ် မှ ၅ နှစ်
အဲဒီအရွယ်မှာ ကလေးဟာ ငွေနဲ့ ပစ္စည်းကို ၀ယ်လို့ရတယ်ဆိုတာ နားလည်သင့်ပါတယ်။ ငွေကို အလုပ်လုပ်ပြီး ရှာနိုင်ကြောင်း သိသင့်ပါတယ်။ လိုချင်တာကို (want) မ၀ယ်ယူနိုင်ခင် စောင့်ဆိုင်းတတ်တဲ့ အလေ့အကျင့် သင်ပေးရပါမယ်။ ဆိုလိုတာက လိုအပ်တာ (need) နဲ့ လိုချင်တာ (want) ကို အဲဒီအရွယ်ကတည်းက ခွဲခွဲခြား နားလည်အောင် လုပ်ပေးထားသင့်တယ်။ မတော်လောဘမဖြစ်အောင်၊ မဖြုန်းတီးအောင် သိစေဖို့ ဖြစ်ပါတယ်။

အသက် ၆ နှစ်မှ ၁၀ နှစ်
အဲဒီအသက်အရွယ်မှာ ကလေးဟာ ငွေ ဘယ်လို သုံးရမလဲ (ဘယ်လို ရွေးချယ် ၀ယ်ယူရမလဲ) ဆိုတာ နားလည်သင့်ပါတယ်။ ဈေးဝယ်ထွက်ပုံကိုလည်း သင်ပြသင့်တယ်၊ ဒါပေမဲ့ အွန်လိုင်းကနေ ၀ယ်ယူနိုင်တဲ့ အင်ဖော်မေးရှင်းတွေ များပြားခြင်း၊ ကြော်ငြာတွေများပြားခြင်းက ကလေးကို အန္တရာယ်ဖြစ်စေပါတယ်။ ငွေကို ဘဏ်အကောင့်ဖွင့်ပြီး သိမ်းထားနိုင်တယ်၊ အတိုးရနိုင်တယ်ဆိုတာလည်း သိစေအပ်ပါတယ်။

အသက် ၁၁ နှစ်မှ ၁၃ နှစ်
ကလေးဟာ ရတဲ့ငွေရဲ့ ၁၀ ရာခိုင်နှုန်းကို စုဆောင်းသင့်တယ်ဆိုတာ နားလည်သင့်ပါတယ်။ အွန်လိုင်းကနေ ခရက်ဒစ်ကဒ် သုံးခြင်းဟာ ကိုယ့်ရဲ့ password အခိုးခံရပြီး၊ အန္တရာယ်ရှိနိုင်တယ်ဆိုတာ သိထားသင့်ပါတယ်။ ငယ်စဉ်ကတည်းက စုဆောင်းခြင်းဟာ ရေရှည် ပိုမိုစုဆောင်းနိုင်မှုကို ဖြစ်စေပါတယ်။ ခရက်ဒစ်ကဒ် ဆိုတာ အကြွေးဝယ်ယူနိုင်တဲ့ ကဒ်ဖြစ်တာမို့၊ လစဉ် ငွေမဖြည့်နိုင်တာထက် ပိုသုံးနေရင် အကြွေးတွေ အများကြီး တိုးပွားလာနိုင်ပါတယ်ဆိုတာ သိထားဖို့ လိုပါတယ်။

အသက် ၁၄ နှစ်မှ ၁၈ နှစ်
ဆယ်ကျော်သက်တွေအတွက် ကောလိပ်စရိတ်က အရမ်းဈေးကြီးတယ်ဆိုတာ နားလည်ထားရမယ်။ ဒါကြောင့် ကျောင်းကို သတိထား ရွေးချယ်ဖို့ လိုပါတယ်။ ကိုယ့် မျှော်လင့်ထားတဲ့ အလုပ်အကိုင်အတွက် အကျိုးဖြစ်မယ့် ကျောင်းစရိတ်ချေးငှားမှုကိုသာ လုပ်သင့်ပါတယ်။ ငွေစက္ကူနဲ့ ကိုယ်မပေးချေနိုင်တဲ့ဟာမျိုးကို ခရစ်ဒစ်ကဒ်ကို အသုံးပြု ၀ယ်ယူတာမျိုး ရှောင်ရှားသင့်တယ်။ မိမိကိုယ်ပိုင်ဝင်ငွေ ရှိပြီဆိုတာနဲ့ အခွန်ပေးဆောင်ရလိမ့်မယ်။ ကိုယ်ပိုင် ဘတ်ဂျက်ကို စနစ်တကျ သုံးတတ်သင့်တယ်။ စုဆောင်းဖို့နဲ့ ရင်းနှီးမြှုပ်ဖို့ အကောင်းဆုံးနေရာက Roth IRA ဖြစ်တယ်။

အသက် ၁၈ နှစ်နှင့် အထက်
အရွယ်ရောက်သူတိုင်းဟာ လစဉ် ၀င်ငွေရပြီဆိုတာနဲ့ ခရက်ဒစ်ကဒ် ကိုသာ သုံးသင့်ပါတယ်။ ငွေစက္ကူကို ကိုင်မနေသင့်တော့ပါ။ ကျန်းမာရေးနဲ့ အသက်အာမခံလုပ်မထားရင် နောက်ကျောမအေးလို့ ဘယ်တော့မှ စိတ်ချမ်းသာမည် မဟုတ်ပါ။ ကိုယ့်ရဲ့ အပိုငွေကို ဘယ်မှာ ရင်းနှီးမြှုပ်နှံမလဲဆိုတာ စဉ်းစားသင့်ပါတယ်။

အထက်ပါ အချက်တွေက လူတစ်ဦးချင်းအတွက် ငွေကြေးနဲ့ ပတ်သက်ပြီး အခြေခံကျတဲ့ အချက်တွေ ဖြစ်သလို၊ ကိုယ်ပိုင် ဘတ်ဂျက်ထိန်းသိမ်းမှုမှာလည်း အားနည်းမှုအများဆုံးရှိနေတဲ့ ပြဿနာများ ဖြစ်တယ်လို့ သမ္မတရဲ့ ငွေကြေးအကြံပေးအဖွဲ့က ပြောဆိုပါတယ်။

ဝင့်ထန်း
Source: NY Times

Wednesday 4 January 2012

ဖုန်းတစ်လုံး ကျပ်ငါးထောင်ဖြင့် မကြာမီ ရောင်းချပေးတော့မည်

ငွေကျပ် ငါးထောင်နှုန်းဖြင့် အင်တာနက်ပါ သုံးစွဲနိုင်သော ဖုန်းများအား ယခုနှစ်အတွင်း အများပြည်သူ သုံးစွဲနိုင်အောင် ဆောင်ရွက်ပေးမည် ဖြစ်ကြောင်း ဝန်ဆောင် မှုပေးသည့် ရွှေပြည်တံခွန်ကုမ္ပဏီမှ မန်နေးဂျင်း ဒါရိုက်တာ ဦးလွင်နိုင်ဦးက ပြောသည်။ ”နိုင်ငံတော် အစိုးရနဲ့ ပူးပေါင်း ဆောင်ရွက်ထားတာပါ။ ဒီနှုန်းနဲ့ ဖုန်းသုံးစွဲနိုင်ဖို့ အတွက် နိုင်ငံတော် သမ္မတကြီးရဲ့ ခွင့်ပြုချက်အရ ဆောင်ရွက်ပေးတာပါ။ အဓိက ကတော့ ဝင်ငွေနည်းတဲ့ ပြည်သူ တွေနဲ့ အခြေခံလူတန်းစားတွေ ဖုန်း သုံးစွဲနိုင်အောင် ရည်ရွယ်ပြီး နိုင်ငံတော် သမ္မတကြီးက ဆောင်ရွက် ပေးခြင်းဖြစ်ပါတယ်” ဟု အထက်ပါ ပုဂ္ဂိုလ်က ပြောသည်။ အဆိုပါ ဖုန်းလိုင်းအား ၅ နှစ်အတွင်း ဖုန်းလိုင်း သန်း ၃ဝ ထုတ်လုပ်ဖြန့်ချိပေးသွားမည် ဖြစ် ပြီး ယခုနှစ်အတွင်း ဖုန်းလိုင်း ၁သန်း ထုတ်လုပ်ဖြန့်ချိပေးမည် ဖြစ် ကြောင်း သိရသည်။ ”မြန်မာ့ဆက်သွယ်ရေး လုပ်ငန်းနဲ့ ပတ်သက်မှု မရှိပါဘူး။ အထွက်ခေါ်ဆိုနှုန်း မြို့တွင်း ၂၅ ကျပ်၊ နယ်ဝေး ၃ဝကျပ်နဲ့ ကောက်ခံသွားမှာပါ။ ဖုန်းကတ် တွေကိုလည်း ဖုန်းဆိုင်တွေမှာ မှတ်ပုံတင်ပြရုံနဲ့ ဝယ်နိုင်မှာပါ။ ဘယ် တော့ဖုန်းတွေ ချထားပေးမလဲ ဆိုတာကတော့ လာမယ့် မတ်လမှာ စတင် အကောင်အထည် ဖော်ဆောင်ရွက်သွားဖို့ ရှိပါတယ်” ဟု အထက်ပါပုဂ္ဂိုလ်က ဆက်လက် ပြောသည်။ ၄င်းဖုန်းများအား စတင် သုံးစွဲခွင့်ရပါက တစ်ခါသုံးဖုန်းကတ်များ ကဲ့သို့ နံပါတ်ပြောင်းလဲသွားမည် မဟုတ်ဘဲ နံပါတ်အသေ ဖုန်းများ ဖြစ်ကြောင်း၊ 3 G ကွန်ရက်စနစ်ဖြင့် ပေးသွားမည်ဖြစ်ပြီး ဖုန်းဘေလ်ကြို တင်ငွေဖြည့်ကတ် စနစ်ဖြင့် အသုံး ပြုရမည် ဖြစ်ကြောင်း နံပါတ်မှာ ဝ၉-၁ ဖြင့် စတင်သွားမည် ဖြစ် ကြောင်း၊ အင်တာနက်သုံးစွဲမှုမှာ မြန် နှုန်းအပေါ် မူတည်၍ ကျသင့်မည် ဖြစ်ကြောင်း သိရသည်။ ”ဖုန်းကတော့ GSM ဖုန်း အမျိုးအစားပါ။ ပြည်တွင်းခေါ်ဆိုမှု သာမက အာဆီယံနဲ့ အာရှနိုင်ငံ များကိုပါ ဖုန်းခေါ်ဆိုနိုင်မှာပါ။ နှုန်း ထားကတော့ လက်ရှိအသုံးပြုနေ တဲ့ နှုန်းအတိုင်း ကတ်ထဲက နုတ် ယူသွားမှာပါ။ ပထမနှစ် ဖုန်း၁သန်းမှာတော့ ရန်ကုန် တိုင်းဒေသကြီးနဲ့ ဧရာဝတီတိုင်းဒေသကြီး ၂ ခုပဲ သုံးစွဲနိုင်မှာပါ။ နောက်ပိုင်း မန္တလေးတိုင်းဒေသကြီးနဲ့ နေပြည် တော်တိုင်းဒေသကြီးတို့ အပြင် တစ်နိုင်ငံလုံး သုံးစွဲနိုင် အောင် ဆောင်ရွက် သွားမှာပါ” ဟု ၄င်းက ဆက်လက် ပြောသည်။ အဆိုပါ ဖုန်းများအား နိုင်ငံ တော် အစိုးရမှ ၄ဝ ရာခိုင်နှုန်း၊ ရွှေပြည်တံခွန် ကုမ္ပဏီမှ ၃ဝ ရာခိုင်နှုန်း နှင့် သုံးစွဲသူများမှ ဝင်ရောက် ရှယ် ယာဝင်မည်ဆိုပါက ၃ဝ ရာခိုင်နှုန်း ခွင့်ပြုပေးမည် ဖြစ်ကြောင်း၊ ဖုန်း လိုင်း သန်း ၃ဝ အတွက် ဒေါ်လာ သန်း ၇၇ဝ ကုန်ကျမည်ဖြစ်ပြီး ရှယ် ယာဝင်မည်ဆိုပါက ပထမနှစ် ဖုန်းလိုင်း ၁သန်းအတွက် ငွေကျပ် အနည်းဆုံး ၂ သိန်းခန့် သတ်မှတ်သွားမည် ဖြစ်ပြီး ရှယ်ယာဝင်ခွင့်များအား စီမံကိန်းစတင်ပြီး ၃ လနှင့် ၆ လအတွင်း ဆောင်ရွက်ပေးမည် ဖြစ်ကြောင်း သိရသည်။ အဆိုပါ ဖုန်းများအတွက် ကြို တင်ငွေဖြည့်ကတ်များမှာ ကျပ် ငါးထောင်တန်ကတ်၊ ကျပ်တစ်သောင်းကတ်နှင့် ကျပ်ငါးသောင်း ကတ်များ ဟူ၍ သုံးမျိုး ထုတ်လုပ်သွားမည် ဖြစ်ကြောင်း သိရသည်။ ပေါ်ပြူလာသတင်းဂျာနယ်

စကားချိုချို စိတ်ကူးချိုချို ဖလှယ်ကြပါစို့ 